கண்தானம் மீது பொதுமக்களுக்கு விழிப்புணர்வை உருவாக்க மனிதசங்கிலி

கண்தானம் மீது பொதுமக்களுக்கு விழிப்புணர்வை உருவாக்க மனிதசங்கிலி நிகழ்வை நடத்தும் டாக்டர். அகர்வால் கண் மருத்துவமனை

· ஒவ்வொரு ஆண்டும் ஆகஸ்ட் 23-லிருந்து செப்டம்பர் 8ஆம் தேதி வரை தேசிய கண்தான அரைத்திங்கள் நிகழ்வு அனுசரிக்கப்படுகிறது.
· 500-க்கும் அதிகமான நபர்கள் தங்கள் கண்களை தானம் செய்வதற்கான ஒப்புதல் படிவத்தில் கையெழுத்திட்டு தானமளிப்பவருக்கான அடையாள அட்டைகளை பெற்றுக்கொண்டுள்ளனர்.

சென்னை, 2017, செப்டம்பர் 8 : – 2017ஆம் ஆண்டின் தேசிய கண்தான அரைத்திங்கள் அனுசரிப்பு நிகழ்வு ஒரு பகுதியாக கண் தானம் மீதான விழிப்புணர்வை அதிகரிக்க சென்னையைச் சேர்ந்த பிரபல கண் மருத்துவமனையான டாக்டர். அகர்வால் கண் மருத்துவமனை ஒரு மனிதசங்கிலி நிகழ்வை கதீட்ரல் சாலையில் அமைந்துள்ள டாக்டர். அகர்வால் கண் மருத்துவமனைக்கு முன்பாக இன்று நடத்தியது.

தேசிய கண் தான விழிப்புணர்வு அனுசரிப்பானது, ஒவ்வொரு ஆண்டும் ஆகஸ்ட் 25ஆம் தேதியிலிருந்து செப்டம்பர் 8ஆம் தேதி வரை இரு வார காலத்திற்கு அனுசரிக்கப்படுகிறது.

மனிதசங்கிலி நிகழ்வானது பிரபல திரைப்பட நடிகர் பத்மஸ்ரீ விவேக் அவர்களால் தொடங்கிவைக்கப்பட்டது. டாக்டர் அகர்வால் கண் மருத்துவமனைகள் குழுமத்தின் தலைவரான டாக்டர். அமர் அகர்வால் இந்நிகழ்விற்கு தலைமை வகித்தார்.

கல்லூரி மாணவர்கள், டாக்டர். அகர்வால் கண் மருத்துவமனையைச் சேர்ந்த மருத்துவர்கள் & பணியாளர்கள் மற்றும் பொதுமக்கள் ஆகியோரை உள்ளடக்கிய, பல்வேறு வயது பிரிவுகளைச் சேர்ந்த 500-க்கும் அதிகமான நபர்கள் இந்த மனிதசங்கிலி நிகழ்வில் மிக ஆர்வத்தோடு பங்கேற்றனர். பெரும் திரளாக பலர் பங்கேற்ற இந்த மனித சங்கிலி நிகழ்வானது, கண் தானத்தின் முக்கியத்துவம் குறித்து பொதுமக்கள் மத்தியில் விழிப்புணர்வை உருவாக்கியது. இதன் விளைவாக கண் தானம் அளிப்பதற்கான உறுதிமொழிகளில் பலர் ஆர்வத்தோடு தங்கள் ஒப்புதலை வழங்கி கையெழுத்திட்டது. இந்நிகழ்வின் வெற்றியை சுட்டிக்காட்டுவதாக அமைந்தது.

பிரபல திரைப்பட நடிகர் பத்மஸ்ரீ விவேக் அவர்கள் இந்நிகழ்வில் பேசுகையில், “இந்தியா போன்ற வளரும் நாடுகள் எதிர்கொள்கின்ற மிகப்பெரிய பொது சுகாதார பிரச்சினைகளுள் ஒன்றாக பார்வைத்திறனிழப்பு இருக்கிறது. பார்வையற்ற நபர்களுக்கு பார்வைத்திறன் அளிப்பதற்காக தங்களது கண்களை தங்களது இறப்பிற்கு பிறகு தானமாக வழங்க எண்ணற்ற நபர்கள் ஆர்வத்தோடு முன்வர வேண்டும். அவ்வாறு செய்வதன் மூலம் இந்த உயரிய நோக்கத்திற்கு ஆதரவளிக்க வேண்டும்,” என்று கூறினார்.

டாக்டர். அகர்வால் கண்மருத்துவமனைகள் குழுமத்தின் தலைவர் டாக்டர். அமர் அகர்வால் பேசுகையில், உலகளவில் 45 மில்லியன் பார்வைத்திறனற்ற நபர்கள் இருக்கின்றனர். அவர்களுள் 12 மில்லியன் நபர்கள் பார்வைத்திறனின்றி இந்தியாவில் மட்டும் இருக்கின்றனர். இந்த எண்ணிக்கையில் நிறமிலி இழைம பார்வை இழப்பால் (corneal blindness) அவதிப்படும் 1% நபர்களும் உள்ளடங்குவர். டாக்டர். அகர்வால் கண் மருத்துவனையில் பணியாற்றும் நாங்கள், தேசிய கண் தான அரைத்திங்கள் நிகழ்வை டாக்டர். அகர்வால் குழுமத்தின் கண் மருத்துவமனைகள் அனைத்திலும் அனுசரிக்கிறோம். கண் தானத்தின் முக்கியத்துவத்தை புரிந்துகொள்வதற்காக பொதுமக்களை ஒரு பொது தளத்தில் ஒன்றுகூட்டுவதற்காக பிரச்சாரத் திட்டங்களை மேற்கொண்டிருக்கிறோம்,” என்று கூறினார்.

கண் தானத்தின் முக்கியத்துவம் குறித்து பொதுமக்கள் மத்தியில் மிகப்பெரிய அளவில் விழிப்புணர்வை இந்த மனிதசங்கிலி நிகழ்வு ஏற்படுத்தியது. 500-க்கும் அதிகமான நபர்கள் சுயவிருப்பத்தோடு முன்வந்து தங்களது கண்களை தானமளிப்பதற்கான விருப்பத்தை தெரிவித்து கையொப்பமிட்டு உறுதிமொழி வழங்கியிருக்கின்றனர். இத்தகைய உறுதிமொழி வழங்கியவர்களுக்கு கண்தானமளிப்பவர்களுக்கான அடையாள அட்டைகள் வழங்கப்பட்டன.
டாக்டர் அகர்வால்ஸ் கண் மருத்துவமனை குறித்து:
டாக்டர் அகர்வால்ஸ் கண் மருத்துவமனை 1957ம் ஆண்டு தொடங்கப்பட்டது. கண் நோய்கள்/குறைபாடுகளுக்கு ஒரு நிறுத்த அமைவிடத்தில் தீர்வுகளை வழங்குவதற்கு ஒரு முழுமையான கண் மருத்துவமனையாக இயங்கும் இது, தொடங்கப்பட்டு 60 ஆண்டுகளாக சிறப்பாக செயலாற்றி வந்திருக்கிறது. சென்னையில் 15 கிளைகளையும் மற்றும் தமிழ்நாடு, தெலங்கானா, ஆந்திர பிரதேஷ், கர்நாடாக, ஒடிசா, அந்தமான் மற்றும் ராஜஸ்தான் ஆகிய மாநிலங்களிலும் மருத்துவமனைகள் கொண்டு இது இயங்கி வருகிறது. சர்வதேச அளவில் செயல்படுகின்ற நிறுவனமாக தன்னை நிலைநிறுத்திக் கொள்ள வேண்டும் என்ற குறிக்கோளை நோக்கிய முதல் நடவடிக்கையாக மொரீசியஸில் நடத்தப்பட்ட மூன்றாம் நிலை கண் பராமரிப்பு சிகிச்சை மையம் அமைந்திருக்கிறது. இதன் மூலம் இந்திய பெருங்கடல் பிராந்தியத்திலும் ஆப்பிரிக்கா, கிழக்கு ஆசியா நாடுகளிலும் இம்மருத்துவமனை 13 கிளைகளைக் கொண்டிருக்கும் ஒரு சர்வதேச அமைப்பாக தன்னை விரிவுபடுத்தியிருக்கிறது.






Related News

Comments are Closed

Visit Us On FacebookVisit Us On YoutubeVisit Us On Google PlusVisit Us On TwitterVisit Us On Linkedin